Fornleifauppgröftur á Vesturbúðarhól

Á Vesturbúðarhól. Ljósmynd MKH

Ragnheiður Gló Gylfadóttir, fornleifafræðingur, mun í fyrirlestri sínum „Fornleifauppgröftur á Vesturbúðarhól“ fara yfir þær rannsóknir sem gerðar hafa verið á minjasvæðinu undanfarin ár. Kynntar verða fyrstu niðurstöður og spáð í framtíðina. Vesturbúðarhóll er hluti af merkilegri þyrpingu minjastaða á Eyrarbakka sem bera sögu þorpsins sem aðalverslunarstaðar Suðurlands í rúmar tvær aldir vitni. Frá árinu 2017 hafa staðið yfir fornleifarannsóknir á Vesturbúðarhól fyrir tilstuðlan Vesturbúðarfélagsins.

Áður en rannsóknir hófust mátti sjá óljós ummerki bygginga á nokkrum stöðum en Vesturbúðin var rifin árið 1950.

Viðburðurinn hefst kl. 14.00 og fer fram í fyrirlestrasal í Varðveisluhúsi safnsins á Búðarstíg 22 á Eyrarbakka. Enginn aðgangseyrir og heitt á könnunni! 

2023-10-21

Skyggnst um í Rútsstaðahverfi í Flóa

Klofsteinn
Klofsteinn í Rútsstaðahverfi. Hugsanlega fyrirmynd að Álfakirkjunni, vatnslitamynd Ásgríms Jónssonar. Ljósmynd: MKH.

Snorri Tómasson hagfræðingur flytur fyrirlestur sinn Skyggnst um í Rútsstaðahverfi í Flóa kl. 14 sunnudaginn 15. október 2023 í varðveisluhúsi Byggðasafns Árnesinga, Búðarstíg 22 á Eyrarbakka.

Snorri segir frá æskuheimili Ásgríms Jónssonar í Rútsstaða-Suðurkoti, fjölskyldu hans og ferli.

Rannsókn á húsaskipan í Suðurkoti er út frá samtíma uppskriftum. Til samanburðar er málverk Ásgríms af Rútsstöðum frá árinu 1956 og teikning af innri skipan þess bæjar. Sérstaklega er fjallað um feril málverks af Suðurkoti í eigu Snorra.

Allir velkomnir og heitt verður á könnunni.

Glæpamenn í Flóanum

Sagnfræðingurinn Jón M. Ívarsson flytur fyrirlestur sinn "Glæpamenn í Flóanum" í sunnudaginn 8. október kl. 14.00 í Varðveisluhúsi Byggðasafnins á Búðarstíg 22 á Eyrarbakka.

Árnesingurinn séra Árni Þórarinsson sem var "Með vondu fólki" á Snæfellsnesi orðaði það svo í ævisögu sinni:
"Ég hygg að það sé töluverð gæfa fyrir hvert þjóðfélag að eiga dálítið af stórglæpamönnum. Árnessýsla var svo hamingjusöm að hafa átt fáeina konunglega glæpamenn. ..."

Nú verður reynt að færa sönnur á, eða afsanna þessa fullyrðingu. Afkomendur Kambsránsmanna og "GaulverjabæjarJóns," sem eru margir eru sérstaklega velkomnir.

Verið öll velkomin, enginn aðgangseyrir og heitt á könnunni!

- Mynd eftir Bergrúnu Írisi Sævarsdóttur er hluti af bókarkápu bókarinnar "Í skugga Gaulverjabæjar" eftir Jón.

Jónsmessuhátíðin á Eyrarbakka 2023

Föstudagur – 23. júní

kl.17:00 Jónsmessubolti Umf Eyrarbakka – Kíló

Mæting við Garðstún bakvið Húsið. Skráning á staðnum.
Áhorfendur hvattir til að mæta og hvetja sitt lið áfram. Pylsur og drykkir í boði að lokinni keppni

kl. 19:00 Fornbílaklúbbur Íslands

Félagar úr Fornbílaklúbb Íslands rúnta í gegnum þorpið

kl. 20:00 Skrúfan

Tónleikar | Fljúgandi Villisvín. Aðgangseyrir, selt inn við hurð

Laugardagur – 24. júní

kl. 12:00 SETNING JÓNSMESSU 2023 | Sjóminjasafnið

Latibær

kl. 13:00 – 15:00 HÁTÍÐARHÖLD VIÐ GARÐSTÚN

  • Hoppukastalar frá Hopp og Skopp
  • Skapandi sumarstörf í Árborg | Ungmenni úr Árborg með tónlistaratriði og verk til sýnis
  • Frí andlitsmálun
  • Víkingatjald | Kynning og sala
  • Slökkviliðsbíll kemur og kíkir á okkur og möguleiki á sjúkrabíl og lögreglubíl
  • Karamellukast | á Garðtúni

kl. 11:00 – 17:00 | OPIN HÚS

  • Skrúfan | Býður upp á kynningu á sinni starfsemi sem og föndur fyrir alla fjölskylduna. Hafnarbrú 3
  • Kastalinn | Vintage munir og garðsala. Hjallavegi 3

kl. 12:30 Hestvagnaferðir

Malin Widarsson býður gestum á rúntinn frá torginu

kl. 13:00 – 16:00 Jónsmessukaffihús

Kjallarinn í Rauða Húsinu, Búðarstígur 4

kl. 13:00 Þjóðdansfélag Reykjavíkur

Færa okkur hátíðargleðina með danssýningu í garðinum við Húsið

kl. 13:30 Kjötsúpa í boði Rauða húsins

Frí ef mætt er með ílát á meðan birgðir endast

kl. 13:30 Postularnir, Bifhjólasamtök Suðurlands

Keyra um bæinn og stoppa við Sjóminjasafnið

kl. 14:00 Slökkvibíllinn og Fergusoninn hans Óla í Mundakoti

Verða á ferðinni um þorpið

kl. 14:00 – 16:00 | OPIN HÚS

  • Margrét og Jón Hermann bjóða heim á pallinn, heitt á könnunni og steinasafn til sýnis. Hulduhóll 10
  • Auður og Rúnar bjóða heim á pallinn, gott spjall og að sjálfsögðu heitt á könnunni. Hulduhóll 24
  • Jónína Óskarsdóttir tekur á móti gestum í Eyri á Eyrargötu 39
  • Kartöflugeymslan | Pop-up markaður og heitt á könnunni til kl. 17:00
  • Hafdís Brands | Keramik vinnustofa. Túngata 2 til kl. 18:00

kl. 19:30 Samsöngur í Húsinu

Við syngjum saman úr skólaljóðunum. Heimir Guðmundsson leikur undir á eitt elsta píanó á Suðurlandi

kl. 20:30 Jónsmessubrenna í fjörunni

Brennustjóri og eldgleypir Andri Geir. Trúbadorinn Ingvar Valgeirsson heldur uppi fjörinu

kl. 23:00 Rauða húsið | Jónsmessuball á efstu hæð

Grétar Lárus Matthíasson heldur uppi stuði. Opið fram á rauða nótt og stemming eftir því!
Aldurstakmark 20 ára, miðaverð 1.500 kr.

Verslunin Bakkinn | Hefðbundinn opnunartími og Jónsmessu tilboð alla helgina
Byggðasafnið | Söfnin opin frá kl. 10 – 17 frítt aðgengi
Laugabúð | Opið alla helgina.
Rauða húsið | Opið alla helgina kl. 12 – 21
Frítt að veiða í Ölfusárósi fyrir landi Eyrarbakka dagana 23. – 25. júní 2023

Samverustund á Stað

Sunnudaginn 8. mars 2020 verður samvera á Stað til styrktar Hlöðveri Þorsteinssyni og fjölskyldu.

Þar ætlum við að selja vöfflur, kaffi og gos.

Börn úr Barnaskólanum á Eyrarbakka og Stokkseyri verða með tónlistaratriði og einnig verður uppboð á góðum hlutum, sem fyrirtæki gefa.

Allur afrakstur rennur til fjölskyldunnar.

Endilega takið daginn frá og mætum sem flest og styrkjum þessa yndislegu fjölskyldu ♥.

Þeir sem vilja hjálpa til geta haft samband við Elínu Birnu í síma 860 7774 eða Sædísi Ósk 862 1868.

Einnig ef einhver fyrirtæki vilja styrka með munum eða vörum á uppboðið má endilega hafa samband við okkur.

Verð:

14 ára og eldri: 1.000 kr.
13 ára og yngri: 500 kr.

Undirbúningsnefndin.