Fréttir og viðburðir

Nú er úti veður …

Síðasta sólarhringinn hefur mikið óveður gengið yfir á Eyrarbakka, hvassviðri, skafrenningur og ofankoma í bland.

Veðurspáin gerir ráð fyrir að veðrið gangi niður í kvöld, pálmasunnudag.

En svona leit þetta út fyrir stundu.

Húsafriðunarsjóður

Á vef Minjastofnunar Íslands hefur nú verið birt frétt um úthlutun styrkja úr húsafriðunarsjóði 2020. Veittir eru 228 styrkir að þessu sinni að upphæð 304.000.000 kr.  Alls bárust 283 umsóknir til Minjastofnunar, þar sem sótt var um rétt rúmlega einn milljarð króna.

Veitt var styrkjum til 12 verkefna á Eyrarbakka. Þau eru:

HúsByggingarárStyrkir
Eyrarbakkakirkja18902.000.000 kr.
Húsið17651.500.000 kr.
Assistentahúsið18811.100.000 kr.
Búðarstígur 10b19005.000.000 kr.
Gunnarshús1888/19151.200.000 kr.
Kirkjuhús1879/1897700.000 kr.
Jakobsbær / Einarshöfn IV1913700.000 kr.
Prestshúsið / Einarshöfn II1906500.000 kr.
Sandvík II1900500.000 kr.
Tjörn1905700.000 kr.
Garðbær 1897400.000 kr.
Káragerði1900400.000 kr.
Samtals14.700.000 kr.
Þar sem tilgreind eru tvö ártöl hefur húsi verið breytt verulega.
Hús í Skúmsstaðahverfi á Eyrarbakka.

Vorið er komið

Loksins er vorið að láta á sér kræla eftir langan og erfiðan vetur.

Það var fallegt að ganga um fjöruna vestan við Eyrarbakka í gærkvöldi og draga að sér heilnæmt sjávarloftið við þessar fordæmalausu aðstæður sem nú ríkja í landinu og reyndar um heim allan.

Það var einstaklega róandi að vafra um í kvöldkyrrðinni og njóta sólarlagsins. Eyrarbakkafjara er tilvalinn staður fyrir útivist – en munum að halda öruggri fjarlægð við næsta mann.

Fjöruferð 27. mars 2020

Heimsending frá Bakkanum

Man Giving Paper Bag To Woman

Verslunin Bakkinn mun bjóða íbúum á Eyrarbakka endurgjaldslausa heimsendingarþjónustu á vörum eftir kl. 19:00 alla daga meðan ófremdarástand vegna kórónaveirunnar varir. Miðað er við að verslað sé fyrir 3.000 kr. eða meira.
Mögulegt verður að greiða með korti við afhendingu.
Upplýsingar í síma 864 5712.

Eggert Valur Guðmundsson

Samverustund á Stað

Sunnudaginn 8. mars 2020 verður samvera á Stað til styrktar Hlöðveri Þorsteinssyni og fjölskyldu.

Þar ætlum við að selja vöfflur, kaffi og gos.

Börn úr Barnaskólanum á Eyrarbakka og Stokkseyri verða með tónlistaratriði og einnig verður uppboð á góðum hlutum, sem fyrirtæki gefa.

Allur afrakstur rennur til fjölskyldunnar.

Endilega takið daginn frá og mætum sem flest og styrkjum þessa yndislegu fjölskyldu ♥.

Þeir sem vilja hjálpa til geta haft samband við Elínu Birnu í síma 860 7774 eða Sædísi Ósk 862 1868.

Einnig ef einhver fyrirtæki vilja styrka með munum eða vörum á uppboðið má endilega hafa samband við okkur.

Verð:

14 ára og eldri: 1.000 kr.
13 ára og yngri: 500 kr.

Undirbúningsnefndin.